详细介绍：係香港無綫電視經理人合約女藝員，亦係2017年度香港小姐競選嘅十強佳麗。梁雯蔚喺英國伯明翰大學企業管理系畢業。畢業後參選《2017年度香港小姐競選》…係香港無綫電視經理人合約女藝員，亦係2017年度香港小姐競選嘅十強佳麗。梁雯蔚喺英國伯明翰大學企業管理系畢業。畢業後參選《2017年度香港小姐競選》，但十強止步，之後讀第29期無綫電視藝員訓練班，加入無綫電視，做咗無綫電視經理人合約女藝人。另外，佢依家讀緊英國華威大學項目管理碩士。梁雯蔚喺小學時期，考過全級第三名，係交響樂口琴隊長、乒乓球校隊、體操隊同校園電台小DJ，亦參與過三屆香港學校粵曲歌唱比賽、第57屆香港學校英文朗誦節，攞優異同良好成績、乒乓球比賽青少年組女子單打攞季軍、喺2005年度香港教學網資優學生比賽同第六屆芳草杯少兒書畫大賽（兒童國畫組），都攞到優異奬。喺中學時期，梁雯蔚讀東華三院馮黃鳳亭中學，藝人陳敏之同楊卓娜都係佢中學師姐。佢入讀精英班，亦係品行優異生，考過全級第四名；中文科全級第一；英文科全級第二；地理科全級第三；視覺藝術同體育科亦攞突出表現獎。佢做過校報編委會主席[4]、攝影學會主席、升學就業輔導服務組副主席、領袖生組長、學生輔導組副組長、中文學會聯絡同文書、地理學會幹事等，同時係中英文辯論隊、朗誦隊、籃球隊、星榆舞蹈學校中國舞成員，2008年參與過第29屆奧林匹克運動會──由北京奥組委、香港舞蹈總會、香港奧馬委合辦嘅馬術比賽，以香港體育展示表演中國舞團隊，喺沙田馬場表演大型中國舞蹈。歡樂滿東華2008為鄭少秋《梁祝》拉二胡一曲作中國舞表演，並喺第44、45屆學校舞蹈節攞到中國舞（群舞）甲級獎、全港青年學藝比賽舞蹈比賽（中國舞）銀獅獎、沙西區學界籃球賽女丙組錦標賽（第二組）團體殿軍、香港學校中英文朗誦節，攞優異同良好成績，亦參與多屆社際戲劇比賽，並攞過幾次冠軍。梁雯蔚17歲去澳洲布里斯本昆士蘭科技大學修讀大學基礎班，亦喺昆士蘭大學學德文。兩年後回流香港，繼續讀大學課程之外，機緣下喺英皇娛樂演藝創意學院攞到演藝專業文憑，並開始佢演藝事業；2017年6月以榮譽學士畢業喺英國伯明翰大學企業管理系。演藝事業梁雯蔚喺2014、2015年客串拍英皇電影《三條友飲醉走》同《幸運是我》、Property Finder Advertising Limited/Room3 Limited《愛的禮物》微電影等，喺2015年加入北京村木田國際文化傳媒有限公司（香港）（Star Village Entertainment) 參與幕後工作，擔任副導、編劇、攝影、後期指導等職務；2016年為進修演藝，曾入選做北京電影學院影視表演系學生，之後佢重開始做模特兒，曾經係 模度勢 Model International Ltd.、SING MODEL LTD.、Model Factory Ltd. 等模特兒公司嘅模特兒。2017年佢亦加入過台灣知名UpLive直播平台，參與主播工作。2017年6月佢參選《2017年度香港小姐競選》，之後讀第29期無綫電視藝員訓練班，2018年4月並正式同無綫電視簽約做旗下經理人合約藝人。详情
